வாழ்வின் சுவடும் பதிவுகள் காட்டும்..!

  11
FEB      வாழ்வின் சுவடும் பதிவுகள் காட்டும்..!
2012     என் கனவுக் குதிரை :: 1

வாழ்க்கையும் வாழ்வாதாரமும்
அன்பைபோறுத்தே அமைந்துள்ளது,
அன்பினிய அரண் அமையுங்கால்
அகிலமும் வெல்லும் படையின்றி,
அசைவின் சிறுதுளியும் காதல்
கடைக்கண் காட்டிடுமே,
காலம் இனிவசமில்லை
கடக்கும் பல எல்லை,
வானம் இனிவசப்படும் கைக்குள்
வசந்தம் இசைப்படும் நினைவில்,
எல்லாம் புலரும் நலமே நாளும்
வாழ்வின் சுவடும் பதிவுகள் காட்டும்..!
- கவிஞர். கவின்முருகு

Read More

ஆண்டவன் கட்டளை...

ஆறுமனமே ஆறு - அந்த
ஆண்டவன் கட்டளை ஆறு
தேர்ந்து மனிதன் வாழும் வகைக்கு
தெய்வத்தின் கட்டளை ஆறு
தெய்வத்தின் கட்டளை ஆறு! (ஆறு)

ஒன்றே சொல்வார் ஒன்றே செய்வார்
உள்ளத்தில் உள்ளது அமைதி
இன்பத்தில் துன்பம் துன்பத்தில் இன்பம்
இறைவன் வகுத்த நியதி!

சொல்லுக்குச் செய்கை பொன்னாகும் - வரும்
துன்பத்தில் இன்பம் பட்டாகும் - இந்த
இரண்டு கட்டளை அறிந்த மனதில்
எல்லா நன்மையும் உண்டாகும்! (ஆறு)

உண்மையைச் சொல்லி நன்மையைச் செய்தால்
உலகம் உன்னிடம் மயங்கும் - நிலை
உயரும்போது பணிவு கொண்டால்
உயிர்கள் உன்னை வணங்கும்!

உண்மை என்பது அன்பாகும் - பெரும்
பணிவு என்பது பண்பாகும் - இந்த
நான்கு கட்டளை அறிந்த மனதில்
எல்லா நன்மையும் உண்டாகும்! (ஆறு)

ஆசை, கோபம், களவு கொள்பவன்
பேசத் தெரிந்த மிருகம்

அன்பு, நன்றி, கருணை கொண்டவன்
மனித வடிவில் தெய்வம் - இதில்
மிருகம் என்பது கள்ளமனம் - உயர்
தெய்வம் என்பது பிள்ளை மனம் - இந்த
ஆறு கட்டளை அறிந்த மனது
ஆண்டவன் வாழும் வெள்ளை மனம் (ஆறு)

 

Read More